Додека полуматурантките и матурантките од целиот свет се обидуваат да стигнат на посебната вечер во својот живот во најлуксузни лимузини, 15-годишната Клои Фитон избрала сосема поинакво превозно средство.
Во бајковит син фустан, таа се качила на крава и така стигнала до своите пријатели кои ја пречекале со аплауз.
Полуматурантката Клои пристигнала на кравата Оазис, придружувана од нејзиниот татко Ричард (43) и братот Томас (19). Таа тргнала по стапките на својот постар брат, кој во 2022 година пристигнал на матурата со огромен жолт трактор.
15-годишната девојка, која мајка ѝ ја нарекува „Госпоѓица Му“, собра повеќе од 600.000 прегледи на нејзиниот ТикТок профил. На есен Клои ќе почне да учи земјоделство и се надева дека еден ден ќе ја преземе семејната фарма.
Таа рече: „Сите беа во своите автомобили, па добив идеја да направам нешто сосема поинакво што никој досега не го направил. Дефинитивно добив најгласен аплауз од сите“.
Семејството на полуматурантката ги одвезе неа и Оазис во приколка до паркингот, на околу 400 метри од местото на матурата, кое се одржа на стадионот Тафшит. Потоа заедно прошетаа, што следуваше по „долго вежбање“ со Оазис.
Клои морала да ја остави својата необична пријателка кога започна матурата, бидејќи не ѝ беше дозволено да влезе на стадионот.
„Никој не знаеше дека доаѓа со крава додека не стигнавме таму. Кога се појавивме, сите се редеа и ги гледаа автомобилите како минуваат, а ние поминавме покрај нив на крава. Паркиравме на паркингот, малку си ја пробавме среќата. Тоа го привлече вниманието на многу луѓето, прашаа зошто кравата е на паркингот. А кравата беше многу среќна што е надвор и во центарот на вниманието. И таа и Клои беа воодушевени“, раскажа Луиз, мајката на полуматурантката.
Таа додаде дека Оазис долго време ќе остане со нив долго време и дека немаат планови да ја продадат.
Гордата мајка додаде: „Изгледаше апсолутно неверојатно, многу сум горда. А кога станува збор за Клои, секогаш сме ги охрабрувале децата да бидат индивидуалци и да бидат верни на себе. Да се биде дете на земјоделци во урбана средина е навистина тешко, чувствуваш дека мора да се промениш за да се вклопиш. Но, Клои секогаш беше верна на себе, вистинска ќерка на земјоделец“.
