Ако се прашувате дали водата е идеална за пливање и дали не е премногу ладна, ова се моменталните температури на водата во некои од најпопуларните грчки места на Јонското и Егејското Море.

Морската вода во цела Грција се загрева над 20 степени Целзиусови и тоа е доволно за „пријатно капење“, според порталот „Seatemperature.info“.

Најтоплата температура на водата во Грција денoвиве е 26,9 степени Целзиусови во градот Короносија во Амбракискиот Залив во Јонското Море, додека најниската температура на водата е 20 степени Целзиусови на островот Лерос во Егејското Море.

Температури на водата во Грција по регион

Моменталната температура на морето во најпознатите грчки одморалишта варира, но генерално, водата е сè уште малку поладна од вообичаеното за јуни. Сепак, во некои области е веќе доволно топла за да уживате во пливање, додека температурите на водата се движат од минимум 20 до максимум 26,9 степени Целзиусови.

Моментална температура на морето во Грција:

• Сивири – 24,8°C

• Лефкада – 26 °C

• Крф – 22,4 °C

• Паралија – 24,3 °C

• Солун – 25 °C

• Закинтос – 25 °C

• Евија, Едипсос – 24,4 °C

• Тасос – 24 °C

• Родос – 24 °C

• Аспровалта – 23,9 °C

• Пефкохори – 23,8 °C

• Ханиоти – 24,7°C

• Кавала – 23,5°C

• Крит (Хераклион) – 23,4 °C

• Кавала – 23,2 °C

• Неос Мармарас – 23,9°C

• Парга – 23,1 °C

• Атина – 23 °C

• Карпатос – 22 °C

• Санторини – 21,4 °C

• Миконос – 21 °C

• Лерос – 20 °C

• Коронозија – 26,9 °C.

Според сајтот seatemperature.org, температура на вода од 22, 23 и 24 степени Целзиусови се смета за топла и пријатна. „На повеќето луѓе на оваа температура ќе им биде доволен само костим за капење. Ако планирате да останете подолго време во водата, доволен ќе биде тенок краток костум за нуркање“, се наведува на сајтот за прогноза на температура на вода.

Температурите на Егејското и Јонското Море над просекот

Интересно е што температурите на површината на морето во Егејското и Јонското Море достигнале невообичаено високи нивоа за јуни, според Националната опсерваторија во Атина. Сегашните мерења покажуваат температури помеѓу 20 и 22 степени Целзиусови, што значително ги надминува сезонските норми, пренесува сајтот greekreporter.com. Јонското Море покажува температури околу 2 степени над просекот, додека температурите на Егејското Море се уште повисоки – од 2 до 3 степени Целзиусови над просекот.

Највисоки бранови во Грција

Кога станува збор за бранови, денес се очекуваат највисоки бранови долж целото грчко крајбрежје, посебно кај Касос, достигнувајќи висина од 1,68 метри, и капењето е забрането.

„Најмирното море може да се најде кај Лампирија, со просечна височина на бранови од 0,01 метар“, се наведува на seatemperature.info, каде секојдневно може да се следи температурата на морето и висината на брановите во Грција.