Сепак, експертите истакнуваат дека бракот што трае не е нешто што му припаѓа на минатото - напротив, тој и денес се гради врз темели кои се покажале како издржливи. Дури и кога паровите се соочуваат со пречки и бараат помош од терапевт, некои знаци јасно укажуваат дека станува збор за врска што има големи шанси за долгорочен успех. Експертите истакнаа неколку мали, но моќни индикатори кои можат со голема сигурност да предвидат дали бракот ќе трае.

Заемното почитување е секогаш присутно

Според докторката на науки и советничка за врски, Рета Феј Вокер,почитувањето е клучен знак дека бракот ќе трае. Ова значи избегнување на презир и критика во која било форма. Истражувањата покажуваат дека самопочитта на личноста позитивно влијае врз однесувањето во врската, како што е подготвеноста за простување и приспособување, што создава доблесен круг на меѓусебно почитување меѓу партнерите, пренесе „YourTango“.

Партнерите се подготвени да прават промени кога е потребно

Психотерапевтката д-р Глорија Брејм истакна дека паровите кои активно ги прифаќаат нејзините предлози за подобрување на нивната врска и ентузијастички се справуваат со предизвиците се оние кои најверојатно ќе останат заедно. Таквата отвореност за промени и раст е знак на силна врска и заедничка посветеност на врската. „Тоа е прекрасна работа“, рече д-р Брејм.

Партнерите се подготвени да работат на себе

Адвокатката Џенифер Харгрејв рече дека тоа што клиентот останува во брак поради страв од развод не значи дека бракот ќе биде добар. Но, ако лицето покаже подготвеност да работи на себе, да постави граници и да научи нови начини да се почитува себеси во врската, постои реална шанса бракот да се подобри. Работата на сопствениот развој често е предуслов за здрава врска.

Значи, долготрајниот брак не е резултат на среќа, туку на заедничка одлука за негување и развивање на врската.