Откако Британскиот апелационен суд пресуди дека британските даночни обврзници повеќе нема да го плаќаат обезбедувањето на принцот Хари и неговото семејство, тој даде шокантно интервју за „Би-би-си“ во кое изјави дека „некои луѓе сакаат да му се случи истото што ѝ се случи на неговата мајка, принцезата Дајана“, која трагично беше го загуби животот во Париз во 1997 година.
Со тоа, како што оценија британските медиуми, тој буквално отворено нагласи дека верува дека некој друг е виновен за смртта на покојната Лејди Ди.
Принцот Хари дури и не се обиде да скрие колку е огорчен од одлуката на судот, но и од млаката реакција на кралското семејство и палатата.
Принцот, кој живее во Америка со сопругата Меган Маркл и нивните деца од 2020 година, верува дека со отстранувањето на обезбедувањето, сакале да го принудат да остане во кралското семејство и нè потсетува колку би било ужасно ако нешто им се случи на синот, снаата и внуците на кралот на Англија.
„Не сакам историјата да се повторува. Сепак, за време на судскиот процес, открив дека некои луѓе сакаат историјата да се повтори. Сигурен сум дека некои луѓе, особено оние кои не ми посакуваат добро, го сметаат ова за голема победа. Погледнете го ризикот, погледнете ја заканата, погледнете го влијанието што би го имало ако нешто ми се случи мене, на мојата сопруга или на внуците на мојот татко. Ако нешто им се случи, видете каде е одговорноста“, рече Хари.
Тој истакна дека под овие услови е невозможно да се очекува негово враќање во Велика Британија.
Откако кралските служби издадоа соопштение во кое се наведува дека случајот е внимателно следен и дека кралското семејство верува дека какво било мешање од страна на кралот би било несоодветно, лутиот Хари се огласи.
„Очигледно е дека некој намерно ме става во опасност затоа што ми е одземена основна должност – заштита, која очигледно не се однесува на мене. Но, јас ќе продолжам да го посветувам мојот живот на јавната служба. Тоа отсекогаш ми била целта и ако можевте да ја намалите целата бучава, ќе можевте да чуете дека сè што барам е молба за мојата безбедност“, заклучил Хари, според „Дејли Меил“.
