Нов и редок вид диносаурус со две канџи е откриен во монголската пустина Гоби.
Овој вид, наречена "Duonychus tsogtbaatari", бил уникатен меѓу групата диносауруси наречени теризиносауруси (Therizinosauria), кои стоеле на задните нозе и обично имале две канџи, јавува "BBC".
Новиот вид била со просечна големина – тежел околу 260 килограми и живеела во доцниот период на креда, пред 100 до 66 милиони години.
Истражувачите, чие истражување е објавено во списанието "iScience", веруваат дека овој вид на тревојад користел долги, закривени канџи за да достигне и да собира вегетација.
Канџите, долги околу 30 сантиметри, истовремено можеле да послужат и како моќно оружје.
Теризиносаурусите припаѓале на групата тероподни диносауруси, кои можеле да бидат тревојади или сештојади, а живееле во Азија и Северна Америка за време на периодот креда, кој започнал пред 145 милиони години и завршил пред 66 милиони години.
Членката на научниот тим, Др. Дарла Зеленицки од Универзитетот во Калгари, истакна дека теризиносаурусите со долги канџи најдобро се прикажани во филмот „Свет од Јура: Надмоќ“.
„Ова е најголемата целосно зачувана 3D канџа на диносаурус што некогаш сме ја пронашле. Канџата не е зачувана како отпечаток во карпа, туку е тродимензионална и формира обвивка околу коската на прстот оддолу, слично како кај шепите на мачки и кучиња“, објасни Зеленицки.
Според податоците на "UNESCO", пустината Гоби е најголемото наоѓалиште на фосили од диносауруси во светот, особено од финалната фаза на нивната еволуција, потсетува "BBC".
Диносаурусот го добил своето име по неговите две канџи – што е значењето на терминот duonychus, додека вториот дел од името е во чест на монголскиот палеонтолог Кишигдав Цогтбатар.
