[ВИДЕО] Хабиб застана на скии па се преврте наопаку: Компилација падови на Дагестанецот

Хабиб со своето друштво посетил еден од скијачките центри во Јута, а таму демонстрираше не толку завидни скијачки вештини.

Легендарниот Дагестанец на Инстаграм објави неколку снимки од скијањето во Америка, а секоја од нив завршуваше со негово паѓање на патеката.

„Уште еден одличен викенд во Јута. Овој пат мислев дека сум професионалец, но тоа беше почетокот на сите мои проблеми. Заштитете се во секое време. Се надевам дека ќе бидам подготвен да се борам наутро“, напиша Хабиб на Инстаграм.

Очигледно е дека Нурмагомедов не е добар скијач, но најважно е што не се повреди за време на оваа авантура во Јута, а судејќи според снимките објавени на Инстаграм одлично се забавувал со пријателите.

Потсетуваме, Хабиб се пензионираше пред четири години како шампион на УФЦ во лесна категорија со совршен скор од 29-0.