Принцот ја посети фондацијата „The Passage“ во Лондон, а за оваа прилика со задоволство носеше и бела престилка. Тој со широка насмевка им подели храна на бездомниците, а подоцна се сликаше со некои од нив.

„Искрена благодарност до сите волонтери на „The Passage“ кои неуморно работат на поддршката на бездомниците, особено за време на празничната сезона. Ваквите работи даваат надеж и создаваат чувство на заедница за оние на кои им е најпотребно“, стои во описот на снимката на Инстаграм.

Обожавателите ја фалат неговата брада и карактерот

Снимката за краток период собра речиси 69 илјади лајкови, а обожавателите покрај брадата на Вилијам ја пофалија и неговата несебичност.

„Тој ќе биде најдобриот крал кој оваа земја некогаш го видела“, „Природно му е да ѝ служи на заедницата“, „Ми се допаѓа како е посветен додека разговара со другите“, „Обединетото Кралство е толку среќно што го има како свој принц“, беа само дел од коментарите.

„Ги следи стапките на мајка му“

„Тој го наследи тоа од принцезата Дијана“, „Сигурни сме дека твојата покојна мајка се гордее со тебе“, „Тој ги следи стапките на мајка му. Таа го научи дека сите немаат толку среќа како него“, коментираат други, сеќавајќи се на покојната принцеза Дајана.

Меѓутоа за брадата на принцот веќе се зборуваше и претходно. Имено Вилијам на крајот од ноември го посети Солсбери Плејн, каде имаше тренинг со велшките гардисти, а обожавателите беа воодушевени од неговиот нов имиџ.