Билборд ја прогласи Бијонсе за најголема поп ѕвезда на 21 век, и притоа ја образложи причината за одлуката.
„Бијонсе се наоѓа на врвот на листата составена од нашето уредништво врз основа на нејзиното 25-годишно влијание“, изјави Ендрју Унтербергер. Исто така беше потенцирано и дека оваа музичарка е посветена на иновациите, како и дека високо го поставила скалилото за сите останати поп пејачи и пејачки.
Бијонсе има освоено дури 32 Греми награди, а се очекува дека во јануари ќе освои уште повеќе благодарение на нејзиниот последен албум наречен „Cowboy Carter“.
Кога станува збор за топ-листите на Билборд, има девет песни кои се најдоа на првото место и 24 врвни песни на Хот 100 листата. Осум нејзини албуми се наоѓаа на првото место на листата на Билборд 200 албуми, почнувајќи од нејзиниот деби соло албум од 2003 година, „Dangerously In Love“.
Исто така редакцијата на Билборд минатата недела објави дека Тејлор Свифт е втората најголема поп ѕвезда на 21 век, додека Ријана го зазеде третото место.
