Како единица во семејството, омилената играчка на Алис Марфи бил глобусот, што ја поттикнала нејзината страст за патување. Пред да знае правилно да ги напише имињата на многу земји, таа си ветила дека ќе ја посети секоја земја во светот.
Новинарката Алис досега посетила 50 од 195 моментално признати земји. Таа признава дека видела неверојатни места, од Узбекистан до Австралија. Но, таа никогаш не би се вратила во една земја, пишува „Метро“.
„Има само една земја во која немам желба да се вратам, а тоа е Катар“, изјавила Алис.
Рекла дека Доха не ја импресионирала бидејќи таму е многу тивко, а тишината најмногу ѝ пречела. Таа исто така рекла дека на излезот може да се видат само луксузни автомобили Ролс Ројс и Масерати.
„Тротоарите беа празни затоа што никој не шета по улиците на Катар, освен јас и моето момче од 1,95 метри, кои го привлековме погледот низ затемнети стакла на автомобилите додека се шетавме на плус 30 степени. Во Доха излегуват само внатре, во трговски центри и хотели, каде го прашав келнерот дали некој некогаш оди на прошетка, на што тој ми одговори: „Ако можете да возите, зошто да пешачите?“, објаснила таа.
Иако Доха ја смета за естетски импресивна, таа додаде: „Море од облакодери со малку живот. Единствените луѓе на улиците се градежни работници, кои ги покриваат главите со марами за да се заштитат од сонцето“.
Новинарката го посетила и Сук Вакиф, традиционалниот пазар кој е рангиран како една од главните атракции на Доха. Иако е од 19 век, Алис била разочарана: „Камените улички таму се толку модернизирани што изгледаат како стерилен Дизниленд. Во споредба со живите пазари во Ерусалим и Маракеш, Сук Вакиф едноставно нема душа“.
После тоа отидшла во Лусаил, вториот град на Катар, кој е импресивен по луксузните и грандиозни градби.
„Градовите се толку блиску што е речиси невозможно да се каже каде завршува едниот, а каде започнува другиот, додека не стигнете до Катар Тауерс“, рекла Алиса и додала: „Случајно завршивме во Катар“.
Објаснила дека иако го сака Блискиот Исток, 24 часа не биле доволно време за да ја запознае земјата.
Таа заклучила дека земјите кои претходно ги посетила, како Италија, Австралија и Нов Зеланд, имаат толку многу да понудат и дека треба повторно да оди таму.
„Секоја земја има своја уникатна приказна и традиција, но кога имате амбиција да ги посетите сите 195 земји, треба да повлечете линија. Откако посетив 50 земји, научив непроценлива лекција – има прекрасни луѓе насекаде“, рекла Алис.
