Деменцијата е една од водечките причини за смрт во светот, така што нејзиното откривање во рана фаза може да им помогне на луѓето и нивните семејства подобро да ја разберат дијагнозата и соодветно да планираат за иднината.
Деменцијата, од која страдаат од 55 милиони луѓе низ светот, е прогресивна невролошка болест која најчесто се појавува кај луѓе постари од 65 години.
Симптомите вклучуваат заборавеност, анксиозност и тешкотии при донесување одлуки, што може да биде застрашувачко.
Меѓутоа, еден од неочекуваните знаци може да се појави во текот на секојдневните активности, како што е туширањето.
Неврологот д-р Мередит Бок истакнува дека кај луѓето со деменција, промените во сетилата, на пример, неможноста да се препознае мирисот на шампонот или гелот за туширање, може да се манифестира посилно отколку кај општата популација, се разбира, под услов да не постојат други причини како настинка, ковид-19 или затнат нос.
„Процесот на невродегенерација што предизвикува деменција може да влијае на сетилото и обработката на мирисите, што го отежнува препознавањето познатите мириси“, објаснила д-р Бок за „Парад“.
Неврологот д-р Фузија Сидики додава дека оштетувањето на сетилото за мирис може да им претходи на когнитивните симптоми кај одредени видови деменција, како што е деменција на Левиевите тела, дури 10 години пред да се појават посериозните симптоми.
Меѓутоа, губењето на сетилото за мирис не секогаш значи деменција. Доктор Сидики нагласува дека постојат и други причини, како што се настинки, инфекции на синусите или алергии, кои може да се лекуваат и да се врати сетилото за мирис. Меѓутоа, во случај на невродегенеративни болести, овој губиток е често траен. Неопходна е консултација со лекар за да се утврди точната причина и можниот третман.
Губењето на сетилото за мирис може да биде непријатно и загрижувачко, но препознавањето на симптомите навреме може да ви помогне да се разбере што се случува и да овозможи подобро прилагодување на секојдневниот живот.
