Ријана ја претстави својата нова кампања, во друштво на нејзините преслатки синови РЗА и Рајот.
Пејачката Ријана, која неодамна го потврди своето присуство на Мет Галата 2025 година, направи голема промена за новата кампања на нејзиниот бренд „Savage X Fenty“. Наместо претходните предизвикувачки и разголени изданија во долна облека со кои ги истакнуваше своите раскошни облини, овојпат друштво ѝ прават синовите, двегодишниот РЗА и едногодишниот Рајот.
Мајката и синовите позираат во сосем опуштено издание, а малечките се облечени во ист стил како и познатата пејачка. Тие носат сини тренерки со жолти детали и не носат чевли, а Ријана се појавува и со витлери на главата во истите бои. Секако, тие се само моден детаљ, бидејќи пејачката за оваа пригода има специјално средена фризура и шминка.
Ова видео разнежи многумина нејзини обожаватели, кои не престанаа со коментарите: „Само љубов, преслатка сте“, „Нè освои со овој потег“, „Блескаш“, „Мајчинството одлично ти прилега“, „Ми се плаче од среќа кога те гледам волку среќна и успешна“.
Ријана двајцата синови ги доби со АСАП Роки, но тој не се појави во кампањата, иако многумина го очекуваа тоа.
