[ФОТО] Братот на Кејт Мидлтон со трогателна порака: „Низ годините, ние заедно искачивме многу планини. Како семејство – ќе ја искачиме и оваа“

Откако Кејт Мидлтон објави дека има рак, нејзиниот брат Џејмс Мидлтон се огласи на социјалните мрежи со емотивна објава.

„Низ годините, ние заедно искачивме многу планини. Како семејство – ќе ја искачиме и оваа“, напиша тој на социјалната мрежа Инстаграм.

Освен пораката, тој објави и фотографија со принцезата од нивните детски денови.

Инаку, Кејт Мидлтон вчера објави видео во кое вели дека има рак. Принцезата од Велс објави дека ѝ е дијагностициран рак на 42-годишна возраст и дека оди на „превентивна“ хемотерапија.

Во длабоко емотивната видео-порака, снимена во Виндзор во средата, таа откри дека веста била „огромен шок“ и дека таа и Вилијам „правеле сè што можат за да го одработат и решат ова приватно за доброто на нивното семејство“.

Типот на рак не е откриен, објави Си-Ен-Ен.

Таа започнала со хемотерапија кон крајот на февруари, а објавата доаѓа бидејќи нејзиниот свекор, кралот Чарлс, исто така се подложи на третман за рак.