Ребел Вилсон открила: „Бев киднапирана, ми се закануваа со оружје“

„Тоа се случи во Мозамбик. Со неколку пријателки се возевме во камион, а потоа до нас дојдоа луѓе со возило полно со оружје“, рекла актерката за телевизија „Sky“.

„Имаа големи пушки со кои нѝ се закануваа и нè однесоа во напуштена куќа. Сфатив дека всушност добро се снаоѓам во кризни ситуации, бидејќи се однесував како некој лидер. Им предложив да се држиме за раце, бидејќи се плашев дека би можеле којзнае што да направат со некој од нас во текот на ноќта“, објаснила таа.

Следното утро киднаперите ги пуштиле, а Ребел смета дека тие всушност го користеле нивниот камион за шверцување, па затоа морале да ги натераат да го напуштат возилото.

„Само дојдоа следниот ден и рекоа дека можеме да си одиме, и дека нашиот камион е спремен. Неколку часа подоцна, веќе излеговме од Мозамбик. Веројатно нè користеа за криумчарење илегална роба на дното на камионот“, смета актерката.