И тоа е возможно: Славни мажи кои ги сакаат своите сопруги уште од средношколските денови

Кармин

25/11/2020

10:08

2.907

Големина на фонт

а а а

Иако славните личности и стабилните долгогодишни врски и бракови најчесто не одат рака под рака, факт е дека долгите и среќни бракови постојат и во тој свет.

Помеѓу славните актери, спортисти и пејачи, има и такви кои својата љубов ја запознале уште во средношколските денови.  

Во продолжение, издвојуваме 7 такви парови помеѓу кои љубовта се родила уште во средношколските клупи, а се сакаат и денес.

Боно и Али Стјуарт

Пејачот на популарната група „U2“ ја запознал својата идна сопруга Али Стјуарт на училиште во Даблин кое и двајцата го посетувале. Се венчале на 21 август 1982 година, кога Боно имал 22 години, а Али 21 година. Нивната љубовна приказна и понатаму трае, а заедно имаат 4 деца.


Џон Бон Џови и Дороти Харли

Парот се запознал во средно училиште, а се венчал во тајност во 1989 година. При гостувањето на бендот во Лос Анџелес, пејачот ја одвел својата средношколска љубов во Лас Вегас и се венчале во една од тамошните капели. Заедно имаат 4 деца - една ќерка и 3 сина.


Леброн Џејмс и Савана Бринсон

Американскиот кошаркар и неговата сопруга посетувале исто средно училиште во Акрон, Охајо. Долгогодишната врска ја крунисале со брак во 2013 година, а денес имаат 3 деца.


Џеф Даниелс и Кетлин Треадо

Aктерoт познат по улогата во комедијата „Dumb and Dumber“ ја запознал својата сопруга во средно училиште во Мичиген. Парот се венчал во 1979 година кога Даниелс имал 24 години, а двајцата имаат 3 деца.


Л.Л. Кул Џеј и Симон Смит

Пејачот, актер и водител Л.Л. Кул Џеј ја запознал својата идна сопруга кога и двајцата биле тинејџери. Се венчале во 1995 година и имаат 4 деца.


Рон Хауард и Шерил Али

Познатиот филмски режисер кој има добиено Оскар за режија на филмот „А Beautiful Mind“, сопругата Шерил Али ја запознал во средно училиште, а постои приказна дека парот толку често се гледал што неговите родители на крајот им дозволиле да се гледаат само 2 пати неделно. Нивната љубов ја крунисале со брак во 1975 година, кога тој имал 21, а таа 22 години. Рон и Шерил имаат 4 деца.


Снуп Дог и Шанте Тејлор

Овој пар е доказ дека секоја врска има добра и лоша фаза. Калвин Кордозар Броадус, попознат како Снуп Дог, ја запознал својата сопруга Шанте во средно училиште. Тие се венчале во 1997 година, а потоа се разделиле во 2004 година. Меѓутоа, парот наскоро одлучил да ѝ даде уште една шанса на својата љубов и во 2008 година ги обновиле заветите. Имаат 3 деца.



Спонзорирани линкови

Маркетинг

назад до tocka.com.mk