Заедно имаат повеќе од два века. Џон Хендерсон наполнил 106, а неговата сопруга Шарлот 105 години. Овој тексашки брачен пар според Гинисовата книга на рекорди е најстариот жив пар на светот.
Џон и Шарлот од Остин во декември прославиле 80 години заеднички живот, што е животен век на просечен Американец, пишува CNN. Парот се венчал во 1939-та година, а се запознале во 1934-та година, додека биле студенти на универзитетот во Тексас.
Шарлот студирала да стане наставничка, а Џон бил дел од фудбалски тим. За CNN изјавиле дека времињата биле толку тешки што на хотелската соба која ја изнајмиле за медениот месец потрошиле само 7 долари.
A couple in Austin, Texas, has been named the oldest living couple in the world, according to Guinness World Records. John Henderson is 106 and his wife, Charlotte, is 105. On December 15, they will celebrate 80 years of marriage. https://t.co/zrmb1uoC0J
— CNN (@CNN) November 10, 2019
Не треба да се заборави ни на тоа дека Џон е и најстариот жив поранешен фудбалер од универзитетот во Тексас. Овој пар е жив доказ за тоа дека љубовта може да го преживее тестот на времето. Велат дека љубовта меѓу нив во текот на годините само зајакнувала.
Пред десет години се преселиле во Лондон во локалната заедница на пензионери, која се поврзува со универзитетот на кој студирале. Среќни се како и досега.
Џон секојдневно вежба, а на прашањето на новинарот на CNN, која е тајната на долгиот живот и среќниот брак, одговорил: "Живејте умерено и бидете љубезни кон својот избраник".