Објавено заедничко соопштение на Си, Трамп и Путин! Еве што договориле светските лидери на историската трилатерална средба — ова се 4 клучни точки

Точка

19/11/2026

13:04

2.914

Големина на фонт

а а а

Заедничко соопштение на Си, Трамп и Путин од трилатералната средба во Шенжен.

• Си, Трамп и Путин во Шенжен се согласиле да ја поддржат реформата на Обединетите нации за поефикасно да одговараат на глобалните предизвици.

• Во заедничкото соопштение се наведува и договор за зголемено производство на рафинирани нафтени деривати, со акцент на стабилните енергетски текови.

• Лидерите потврдиле дека нуклеарна војна не смее да се води и најавиле дијалог за намалување на нуклеарните ризици и спречување на ширењето на нуклеарното оружје.


Кинескиот претседател Си Џинпинг, претседателот на САД Доналд Трамп и рускиот претседател Владимир Путин објавиле заедничко соопштение по нивниот историски трилатерален самит во кинескиот град Шенжен, пренесува "Sky News".

Тројцата лидери наведуваат дека се обврзуваат да се залагаат за реформа на Обединетите нации за тие „да можат поефикасно да одговорат на глобалните предизвици и да ја исполнат својата основна мисија за зачувување на меѓународниот мир и безбедност“.


Исто така, се согласиле да го зголемат производството на рафинирани нафтени деривати „во корист на сите нации“, и покрај меѓународните санкции против продажбата на руска нафта.

Покрај тоа, во соопштението се потврдува „почитувањето на имунитетот на државните функционери“ и се повикува Меѓународниот кривичен суд да не ја „злоупотребува“ својата надлежност. Ова меѓународно тело издаде налог за апсење на Владимир Путин поради неговата наводна одговорност за воени злосторства во војната на Русија во Украина.


Лидерите потврдиле и дека „нуклеарна војна не смее да се води“ и се обврзале дека ќе „стапат во дијалог“ за нуклеарните ризици и ширењето на нуклеарното оружје, откако Трамп во своето воведно обраќање и во изјавите пред самитот се заложил за денуклеаризација.


Заедничките заклучоци во целост:

1. Трите земји планираат да ги зголемат производството и снабдувањето со рафинирани нафтени деривати во корист на сите нации. Тие повторно ја потврдиле важноста на стабилните енергетски текови.

2. Како постојани членки на Советот за безбедност на Обединетите нации, Кина, Русија и Соединетите Американски Држави се посветени на промовирање реформа на Обединетите нации за тие да можат поефикасно да одговорат на глобалните предизвици и да ја исполнат својата основна мисија за зачувување на меѓународниот мир и безбедност.

3. Тројцата шефови на држави признале дека принципот на согласност на државите и почитувањето на имунитетот на државните функционери се од најголема важност и се согласиле дека Меѓународниот кривичен суд и другите слични тела не смеат да ја злоупотребуваат својата надлежност.

4. Тројцата шефови на држави повторно потврдиле дека во нуклеарна војна не може да има победник и дека таа не смее да се води. Трите земји ќе стапат во дијалог за намалување на нуклеарните ризици и спречување на ширењето на нуклеарното оружје.