Двојката ја објави веста за разводот во јули 2024 година.

Социјалните мрежи се една од најголемите разлики меѓу нив

Гостувајќи во поткастот „I Do, Part 2“, актерот призна дека една од најголемите разлики меѓу него и неговата 33-годишна девојка е односот кон социјалните мрежи.

„Јас сум по природа поповлечен, а таа, знаете, е помлада. Инстаграм ѝ е важен и важно е врската таму и официјално да се потврди. Мислам дека тоа ѝ е позначајно на помладата генерација“, објасни тој.

Матисон додаде дека тој и Робинсон отворено разговараат за таквите разлики и дека се труди да најдат компромис. Притоа нагласи дека не му пречи јавно да зборува за нивната врска, но дека социјалните мрежи не му се толку важни како нејзе.

Својата девојка ја опиша како „неверојатно мила, слатка, паметна и забавна“, додавајќи дека е авантуристички настроена, му дава поддршка и секогаш го охрабрува. 

„Тоа е едноставно неверојатно“, рече тој, истакнувајќи дека двајцата имаат „навистина, навистина многу заеднички работи“.

Се запознале преку апликација за запознавање

Матисон и Робинсон се запознале преку апликацијата за запознавање „Raya“, а заедно се приближно од април.

Актерот призна дека враќањето на состаноците по повеќе од две децении брак не му било едноставно. Пред да ја запознае сегашната девојка, излегувал и со други жени, но набрзо сфатил дека необврзувачките врски не му одговараат.

Повторното запознавање жени на 55-годишна возраст, особено преку апликации, го опиша како „хаотично, чудно и надреално“ искуство.

„Многу подобро се снаоѓам како посветен, верен и грижлив партнер полн со љубов, отколку кога сум надвор во тој свет и само се гледам со различни луѓе“, призна тој.

Додаде дека по долгогодишниот брак не очекувал повторно да запознае некого со кого толку многу ќе се поврзе.

Не ја исклучува можноста за нов брак, а разговарале и за деца

На прашањето што денес може да ѝ понуди на партнерката, а што не можел кога во своите дваесетти години ја запознал поранешната сопруга, Матисон истакна дека со годините станал поотпорен и посигурен во себе.

Објасни дека денес има поголема самодоверба и знае дека ќе се снајде без оглед на тоа што ќе му донесе животот. Исто така, нагласи колку му се важни простувањето, љубовта и подготвеноста да ја согледа ситуацијата од перспектива на другата личност.

Кога станува збор за иднината на врската, актерот не ја исклучува можноста повторно да стапи во брак.

Откри и дека Робинсон никогаш не била мажена и дека сака да има деца. За тоа веќе разговарале, а Матисон, кој од претходниот брак ги има 23-годишниот син Лукас и 20-годишната ќерка Лејла, вели дека е подготвен да ја разгледа можноста повторно да стане татко.

Засега, истакнува тој, ужива во новата љубов и постепено се приспособува на врските и запознавањето партнери во денешно време.