Балоните се издигнаа над паркот „Parque Metropolitano de León“ на отворањето на фестивалот во петокот, 13 ноември, а небото го исполнија и вториот ден, во саботата, покажуваат фотографиите на агенцијата ЕПА. Покрај класичните балони, над езерото лебдеа и балони во форма на различни ликови, меѓу кои и насмеано сонце.

Според официјалниот туристички портал на Мексико „Visit Mexico“, фестивалот се одржува секоја година и се вбројува меѓу трите најголеми фестивали на балони во светот. На него учествуваат повеќе од 200 балони, со кои управуваат екипажи од целиот свет.

Масовно полетување и Магична ноќ

Главната глетка на фестивалот е масовното полетување на стотици балони со необични форми над езерото, рано наутро. Кога ќе се стемни, следува „Noche Mágica“ (Магична ноќ), кога закотвените балони светат во ритамот на музиката.

Програмата вклучува и концерти на домашни и странски изведувачи, културни настапи и гастрономско село со јадења од регионот, наведува „Visit Mexico“.

Фестивалот се одржува во паркот „Parque Metropolitano de León“, во населбата Ел Палоте, и трае до понеделник, 16 ноември.