Според правниот тим, девојчето во текот на неколку месеци разменило илјадници пораки со вештачката интелигенција на лаптоп „Chromebook“ што му го доделило училиштето, пренесува „The Hill“.

Како девојчето почнало да го користи „Gemini“?

Во тужбата се нагласува дека девојчето не го побарало ниту го инсталирало асистентот со вештачка интелигенција. Тој „еден ден едноставно се појавил“ во пребарувањето на „Google“ и во училишните алатки на уредот што училиштето му го доделило за настава.

Како што разговорите станувале почести, четботот почнал да го убедува девојчето дека има бројни психички нарушувања, му давал упатства како да го прикрие самоповредувањето од луѓето околу него, па дури и му помогнал да го испланира сопствениот погреб, пренесува „Tanjug“.

Како училиштето и родителите ја спречиле трагедијата?

Трагедијата била спречена откако софтвер за надзор од надворешен добавувач го известил училишниот советник. Тој ги предупредил родителите, кои потоа интервенирале и ја прекинале комуникацијата на девојчето со четботот.

Како „Google“ одговори на обвинувањата?

Од „Google“ соопштија дека внимателно ги разгледуваат наводите во тужбата и дека ги сфаќаат многу сериозно.

Портпаролот Хозе Кастанеда нагласи дека компанијата тесно соработувала со медицински и академски експерти за да вгради заштитни механизми, системи за откривање кризни ситуации и филтри наменети за заштита на малолетниците.

Тужбата беше поднесена во екот на бурните реакции на јавноста и законодавците по одлуката на „Google“ учениците што ги користат платформите на компанијата во наставата во иднина да немаат пристап до пребарувачот, освен ако училиштата изречно не ја одобрат употребата на вештачка интелигенција.

Критичарите го оценија овој потег на „Google“ како злоупотреба на доминантната положба на пазарот.