Пред неа, легендата на сапунските серии Дона Милс (85) го направи овој чекор во јули. Сепак, и покрај партнерството со „OnlyFans“, актерката Морган Ферчајлд нагласува дека никој не треба да очекува експлицитна содржина.

„Ќе бидам глупава и ќе зборувам за тоа што ми е на ум“

Актерката од серијата „Пријатели“ за списанието „People“ откри дека подготвува сосема нова содржина за своите следбеници.

„Ќе објавувам нови фотографии и видеа, и пред некој да праша - не, тоа не е таков вид содржина!“, изјавила актерката, додавајќи дека повеќето од нејзините објави ќе ја прикажуваат како се забавува и зборува за сè што ќе ѝ падне на ум во тој момент.

За овој необичен потфат, Ферчајлд се здружи со агенцијата „Creators Inc“, која стои и зад сметките на „OnlyFans“ на Дона Милс, Шенон Елизабет, Џејми Присли, како и мајката и ќерката Дениз Ричардс и Сами Шин. Поради големата репутација во актерскиот свет, се очекува да привлече огромен број претплатници.

Од „Далас“ до „Пријатели“: Богата актерска кариера

Морган Ферчајлд ја започна својата кариера во сапуници, а една од нив е „Далас“. Подоцна се префрлила на комедии и ситкоми, вклучувајќи го и популарниот „Два и пол мажи“.

Сепак, публиката ширум светот најдобро ја памети по нејзината улога како шармантната мајка на Чендлер Бинг во серијата „Пријатели“. Во последниве години, таа продолжи да глуми неуморно, добивајќи значајна улога во серијата „Општа болница“ од 2022 до 2023 година, додека во 2023 година глумеше и во празничната комедија „Дами од 80-тите: Божиќ со диви“ заедно со Дона Милс, Николет Шеридан, Лони Андерсон и Линда Греј.

Љубовен живот и трагедијата што ја снајде

На приватен план, актерката се омажи за музичкиот директор Џек Калмес во 1967 година кога имаше само 17 години, но тој брак се распадна до 1973 година.

Таа пронајде долгорочна и стабилна љубов во 1987 година со филмскиот директор Марк Зајлер, со кого беа сè до неговата ненадејна смрт од срцев удар во 2023 година на 75-годишна возраст.

Тајната на изгледот во осмата деценија: Без алкохол, цигари и пржена храна

Во разговор за „Дејли Меил“ во 2023 година, актерката откри како со децении ја одржува неверојатно младешката фигура и изглед.

„Во Холивуд, гледате многу лошо стареење, а јас секогаш се обидував да живеам чисто. Воопшто не пиев алкохол, не пушев и не земав дрога“, открила актерката, истакнувајќи дека бурниот ноќен живот во младоста е она што најмногу ги старее луѓето.

Актерката исто така ја нагласи важноста на правилната исхрана: „Пораснав во Тексас, па ако продолжев да јадам сè пржено, приказната ќе беше сосема поинаква. Клучот е во едукацијата за исхраната и примената на разни терапии“.