Американскиот претседател Доналд Трамп се огласи по историскиот пораз на Републиканците на меѓу-изборите и најави дека ќе стане политички коментатор, истовремено испраќајќи пораки до Демократите преку објавување на слика од капа со натписот ВЕТО, најавувајќи предизвици за новото демократско мнозинство.
Американскиот претседател Доналд Трамп се огласи по тешкиот пораз на Републиканците на меѓу-изборите – на кои ја изгубија контролата врз двата дома на Конгресот – изјавувајќи дека ќе анализира зошто кандидатите изгубиле. Тој исто така испрати порака до Демократите, објавувајќи слика од црвена капа на која стои зборот „ВЕТО“.
TRUMP: Says he will become a political pundit analyzing why candidates won and lost https://t.co/LzZRSM1CNk
— Trump Truths (@trumptruthsbot) November 4, 2026
„Ќе станам политички коментатор – за доброто и лошото – во врска со причините зошто овие кандидати победија или изгубија! Претседателот ДОНАЛД Џ. ТРАМП“, напиша тој во кратка објава на социјалните мрежи, пуштена откако резултатите го потврдија губењето на Сенатот.
TRUMP: Posts image of red cap with white VETO lettering https://t.co/aBOLdI7b3K
— Trump Truths (@trumptruthsbot) November 4, 2026
Со објавувањето на сликата од црвената капа со зборот „ВЕТО“, Трамп јасно стави до знаење дека во остатокот од својот мандат планира да владее преку блокирање на законите што ќе ги донесе новото демократско мнозинство.
