На социјалните мрежи се појави оглас за продажба на луксузен имот, а набргу потоа беше откриено дека станува збор токму за станот во кој живееше Никола од „Ние не сме ангели 2“.
Љубителите на култниот филм „Ние не сме ангели 2“ сега имаат несекојдневна можност да ѕирнат во просторот што добро го познаваат од малите екрани. Станот што публиката го гледаше во вториот дел од култната комедија, а кој беше дом на главниот лик Никола, се најде на пазарот на недвижности, и тоа за 310.000 евра.
Луксузниот имот, како што е објавено на социјалните мрежи, итно се продава и се простира на 156 квадратни метри. Станот на Вождовац е на две нивоа, во зграда со само четири стана, а се продава со две паркинг-места.
Погледнете како изгледа станот денес:
Сепак, од моментот кога беше објавен огласот, почнаа да се нижат негативни коментари.
„Изгледа како кафуле“, „Ретко одбивен стан“, „Горниот кат ме потсетува на гулабарник“, „156 квадрати ништо“, „Ужас“, „Во животот не сум видел погрд стан, тука не можат да живеат две лица, глава да си скршиш во некаков лавиринт“, „Ова ми личи на канцеларии за фирми“, се само дел од коментарите, а многумина објавуваа и слики од екранот на кои се гледа влага.
Погледнете кадри од станот:
„Влага“, „Колку влага“, „Ова е замислено како деловен простор од кој некој направил стан, влагата е видлива и мислам дека не вреди толку пари. Потребни се многу вложувања за да заличи на нешто пристојно“, пишуваа луѓето.
Што велите вие? Дали би живееле во прочуениот стан на Никола? И дали цената е „солена“ или ова сепак е добра понуда?
