Новинарот на баскиската јавна телевизија „ETB2“, Серхио Овехеро, доживеал непријатен момент во четвртокот за време на директно јавување. Додека известувал за невремето на море, со него била и снимателка, а голем бран ги „поклопил“ двајцата, прелевајќи се преку ѕидот на шеталиштето. Сигналот бил прекинат, но двајцата поминале без повреди.
Овехеро се јавувал во емисијата „Euskadi Quédate“ од Ондароа, на баскискиот брег, каде што известувал за влошувањето на состојбата на морето и за жолтото предупредување што било на сила. Како што пренесуваат шпанските медиуми, тој зборувал за зголемувањето на брановите и за препораките за пешаците на шеталиштето кога силен бран се прелеал преку насипот и заштитниот ѕид.
Бранот ги „поклопил“ новинарот и снимателката Ракел, по што сликата била прекината. Во кадар останало само тлото покриено со пена.
🇪🇸 A Spanish TV reporter gets HIT by a BIG WAVE while covering the storm live.
The wave crashed over the promenade wall in Ondarroa, slamming him and the camera.
The signal briefly dropped, but both he and the camerawoman are fine.
Reporting rough seas just got a LIVE demonstration 🌊
Writer: Lucas https://t.co/bYaX8r2s5T
— Mario Nawfal (@MarioNawfal) October 22, 2026
Водителот во студиото реагирал во етерот и рекол дека се надева оти Серхио и Ракел се добро и дека наскоро ќе ги известат гледачите. Прекинот траел само неколку секунди и сè завршило само со страв.
Овехеро подоцна на социјалните мрежи се заблагодарил за пораките со поддршка. Тој објаснил дека известувале за предупредувањето што било најавено за следните часови, но дека брановите пристигнале порано од очекуваното.
Снимката брзо се проширила на социјалните мрежи и ја покажала силата на невремето што го погодило баскискиот брег. Станува збор за бурата „Остин“, која го носи првото посилно невреме на морето оваа сезона.
Според најавата на баскиската метеоролошка агенција „Euskalmet“, за денеска е на сила портокалово предупредување поради опасни појави на брегот, а меѓу 12 и 21 часот брановите би можеле да бидат повисоки од пет метри.
