Марин Ле Пен истакна дека претседателката на Европската комисија, Урсула фон дер Лајен, го изгубила доверието на многу влади во Европската унија, што го доведува во прашање нејзиниот политички опстанок. Ле Пен најави и дека доколку победи на претседателските избори во 2027 година, ќе се спротивставува на Брисел, особено поради буџетските распределби и продлжување на финансирањето за Украина.
Марин Ле Пен, една од водечките личности на Француското национално собрание и кандидатка за претседател на Франција, изјави дека претседателката на Европската комисија, Урсула фон дер Лајен, повеќе не ужива доверба кај многу влади на земјите-членки на Европската унија, доведувајќи го во прашање нејзиниот политички опстанок на чело на извршната власт на ЕУ.
„Таа повеќе не ужива доверба кај многу влади на ЕУ“, изјави Ле Пен во интервју за „Фајненшл тајмс“.
Ле Пен изрази сомнеж дека фон дер Лајен ќе може да остане на функцијата до крајот на својот мандат, посочувајќи на растечкото незадоволство од начинот на кој се управува со Европската унија.
Француската политичарка, исто така, најави дека, во случај на победа на претседателските избори во 2027 година, би можела да влезе во сериозен политички конфликт со Брисел, првенствено поради буџетските распределби, компетентноста на европските институции и начинот на донесување одлуки.
Едно од најважните прашања околу кои Ле Пен најавува спротивставување на Брисел е продолжувањето на финансиската помош за Украина.
Таа ја доведе во прашање можноста Франција да продолжи да издвојува големи средства за европски програми за поддршка на Киев, посочувајќи го финансискиот товар врз францускиот буџет.
