Една од омилените македонски телевизиски водителки, Лила Филиповска, септември го дочека далеку од градската гужва – на грчкото крајбрежје, каде што веќе неколку дена ужива во летната атмосфера во друштво на пријатели.
Иако календарски летото полека се ближи кон својот крај, за Лила очигледно нема причина за збогување со сонцето, морето и плажата. Со своите објави таа покажа дека ужива во секој момент од одморот, а покрај убавите пејзажи, вниманието на следбениците го привлече и нејзиниот летен стајлинг.
На една од фотографиите Лила позира во впечатливи розови монокини, надополнети со голем сламен шешир, комбинација која веднаш потсетува на препознатливата естетика на Барби. На друга фотографија, пак, таа е во сино бикини, во опуштено летно издание и насмевка, уште еднаш покажувајќи дека и на одмор знае како да изгледа впечатливо.
Познато е дека Лила посветува внимание на својот изглед и на здравите животни навики, па не изненадува што и овојпат нејзините фотографии предизвикаа бројни комплименти. Следбениците ја пофалија за изгледот, енергијата и младешкиот дух, а дел од нив не пропуштија да се пошегуваат дека Лила како да одбива да му каже збогум на летото.
„И вторник е убав кога си на море“, напиша таа покрај една од објавите, откривајќи колку ѝ годи летната пауза и безгрижните денови поминати покрај морето.
Но, покрај комплиментите за нејзиниот изглед, во коментарите се појави и едно прашање кое очигледно најмногу ги интересира нејзините телевизиски гледачи – кога повторно ќе ја видат на малите екрани.
Следбениците со нетрпение го очекуваат стартот на новата сезона на „Сѐ или нешто“, а прашањата за нејзиното враќање пред камерите се сè почести. Лила засега ужива во последните летни денови, но по сè изгледа, наскоро ќе треба плажата да ја замени со телевизиското студио.
До тогаш, таа очигледно нема намера да брза. Наместо есенско расположение, Лила ни испраќа фотографии полни со сонце, море и летна енергија – како потсетување дека за вистинското уживање во летото, календарот не е секогаш важен.
