Рафиња ја објасни прославата која цела шпанска јавност ја поврза како порака за Алварез

Бразилецот беше стрелец на два гола и запиша и една асистенција во победата од 0:5, но привлече посебно внимание со прославата која ја изведе по еден од погодоците.

Рафиња имаше „пајак прослава“ и тоа многумина го протолкуваа како порака за Хулијан Алварез кој минува низ тешки моменти во Атлетико Мадрид, но Бразилецот по средбата појаснуваше дека тоа нема никаква врска со Аргентинецот.

Алварез е познат по прекарот „Пајак“ и токму поради тоа прославата на Рафиња привлече огромно внимание, но Бразилецот и образложи на јавноста дека реакцијата е последица на договор кој го имал со своето дете.

– Прославата беше за мојот син. Побара да направам такво нешто ако постигнам гол. Во последно време исклучително е поврзан со „Спајдермен“, – порача Рафиња.