Раководството на Рома конечно ја заврши потрагата по нов лев бек и изборот падна на Џејден Остерволде од редовите на Фенербахче.
Холандскиот дефанзивец ќе пристигне во Рим на заем, а италијанскиот клуб ќе има опција да го откупи неговиот договор за околу 18 милиони евра. Опцијата може да стане задолжителен откуп доколку бидат исполнети одредени услови, меѓу кои најверојатно и одреден број настапи.
Преговорите меѓу двата клуба се интензивирале во последните 48 часа, а договорот е постигнат во саботата вечерта, при што Остерволде веќе ги договорил личните услови со Рома, а медицинските прегледи се очекуваат во понеделник.
Холанѓанецот во моментов има мала повреда и не бил во комбинација на вчерашниот настап на турскиот клуб во домашното првенство, па се чини дека веќе го одиграл последниот натпревар во жолто-сина комбинација.
Остерволде има искуство во Серија А бидејќи го носеше дресот на Парма во сезоната 2022/23.
