Тој ги споредил цените на базенот „Ада Циганлија“ во Белград со понудата во познатите летни одморалишта на јадранскиот брег и дошол до заклучок дека главниот град на Србија станал поскап од елитните јадрански острови.

Барна тврди дека цените на угостителските услуги во Белград вртоглаво скокнале и лесно ги надминале износите што туристите ги плаќаат на Јадранот.

„Пиво на Хвар е 3,5 евра, но во Белград плаќам повеќе од 5!“

Во своето видео, Барна презентираше конкретни бројки кои изненадија многумина.

„Минатиот месец бев во Ада Циганлија и платив 640 динари (5,45 евра) за едно пиво. Тука на Хвар, на тој „егзотичен, недостапен и скап“ остров, плаќам 3,5 евра за пиво и имам ваков поглед. Кафето е од 2,5 до 3 евра, пицата околу 11 до 13 евра. Поевтино ми е да возам осум часа од Белград и да дојдам во Јелса отколку да пливам во тоа езерце во Белград“, изјавил тој.

Тој додал дека цените на другите пијалоци на „Белградското Море“ исто така ги надминале сите граници, па двојно еспресо во Ада чини 400 динари (3,41 евра), додека некои кафулиња наплаќаат и до 300 динари (2,54 евра) за чаша вода од 0,3 литри.

„Во Белград е како да си на Малдиви“

Споредбата предизвика вистинска бура во коментарите. Многу корисници потврдуваат дека цените во Србија станале нереално високи во споредба со стандардот и другите земји во регионот.

„Бев во Истра во мај, а сега се вратив од Далмација. Повисоки плати, пониски цени во маркетите и кафулињата, а рестораните се еднакви. Нашите цени се астрономски, а платите се мизерни!“, коментирал еден корисник.

„Минатата година бев на Азурниот брег во центарот на Кан, ручек за двајца со кафе и пијалок 46 евра. Секако е поскапо во Белград“, напишала една жена.

„Станавме рекордери по цени во Белград. Како да си на Азурниот брег или на Малдиви - така наплаќаат на Ада Циганлија дури и до ден-денес“, заклучил самиот Барна.