Славниот порторикански боксер Причард Колон почина на 33-годишна возраст, откако во текот на борба во 2015 година се здоби со повреда на мозокот, а од последиците од повредата никогаш не закрепна.
Непоразениот Колон, со скор од 16:0 (13 нокаути), во 2015 година влезе во рингот во борба против Терел Вилијамс, која му го промени животот.
За време на борбата, Колон се жалел дека повеќепати бил незаконски удиран во тилот, но судијата дозволил борбата да продолжи, а подоцна му одзел два поена на Колон поради удар под појасот.
🇺🇸🥊 FLASH | Le boxeur Prichard Colón est décédé à 33 ans. Il se battait contre une lésion cérébrale traumatique depuis 11 ans après un combat et plusieurs mauvais coups derrière la tête. Il avait été sévèrement handicapé ensuite. pic.twitter.com/tBXpo9lEWZ
— Cerfia (@CerfiaFR) August 13, 2026
Во деветтата рунда, Колон бил соборен на подот, а кога станал, неговиот тим му ги соблекол ракавиците, мислејќи дека борбата е завршена, само за да откријат дека таа ќе продолжи.
Во тој инцидент Колон бил дисквалификуван, а потоа му помогнале да се врати во соблекувалната, каде што повраќал и се онесвестил пред да биде пренесен во болница.
Таму му бил дијагностициран субдурален хематом и бил подложен на итна операција за да се намали отокот на мозокот и да се отстрани хематомот, поради што бил во кома која траела 221 ден.
Murió el exboxeador puertorriqueño Prichard Colón.
— Anxious Vids🔥 (@Anxiousvids) August 13, 2026
De 33 años y originario de Orocovis, falleció este jueves 13 de agosto tras más de una década lidiando con las graves secuelas de una lesión cerebral irreversible.
El lamentable hecho sucedió el 17/10/15 en el EagleBank Arena… pic.twitter.com/cl2OIPKWsg
Кога се разбудил, бил во вегетативна состојба. Не можел да оди ниту да зборува и до крајот на животот му била потребна 24-часовна нега.
Сега, 11 години подоцна, неговиот татко на социјалните мрежи ја сподели веста за неговата смрт.
„Добро утро, народе мој. Со жалење ве известувам за заминувањето на мојот син Причард од овој свет“, напишал тој на социјалните мрежи и додал:
„Сега е во подобар свет. Направив сè што можев за да ја исполнам неговата желба, неговиот сон да го однесам на одмор во Порторико, како што толку многу сакаше, но тоа не беше можно“, додал несреќниот татко.
По разорната борба, родителите на Колон поднеле тужба со која барале повеќе од 50 милиони долари отштета од докторот покрај рингот и организаторот на борбата. До денес, таа тужба останала нерешена.
