Американскиот музички продуцент, кој во интервју за „Њујорк Тајмс“ во 2018 година се опишал себеси како „буцмасто еврејско дете од Вирџинија“, подготвува албум со осум песни чии наслови се на шпански јазик. 

Дел од корисниците на социјалните мрежи го критикуваа 38-годишникот поради проектот инспириран од латино музиката, а особено поради маската на насловната страница, за која тврдат дека потсетува на претерана расистичка карикатура, пишува „LADbible“.

Обвинувања за расизам

„Ова делува расистички кон сите раси“, напиша еден корисник на социјалната мрежа Икс, додека друг додаде: „Човек со источноевропско еврејско потекло објавува латино албум. Обожаваат да се мешаат во секоја култура и да ја исцрпуваат“.

Трет корисник напиша: „Ова е расизам на ниво на ’минстрел шоу‘. Кој воопшто помислил дека ова е прифатливо?“.

Еден од коментарите гласи: „Да, супер, ќе снимам албум на кој ќе се преправам дека сум Латиноамериканец и ќе носам огромна маска што изгледа како некаква неодредена латино карикатура, иако сум бел Евреин од Вирџинија. Јасно ми е дека тоа би требало да биде негова карикатура, но воопшто не изгледа така“.

Други тврдат дека Бланко всушност се шегува на своја сметка

Други, пак, сметаат дека илустрацијата е само претерана карикатура на самиот Бланко. „Луѓе, па тоа буквално е неговото лице. Тој не им се потсмева на Латиноамериканците, зошто воопшто го тврдите тоа?“, напиша еден корисник.

Некои веруваат дека Бланко всушност си поигрува со навредливите коментари за неговиот изглед кои веќе долго време кружат на социјалните мрежи. „Тоа буквално е карикатура на неговото лице. Луѓето му велат дека е грд, а тој сега го користи тоа. Која латино карикатура воопшто изгледа вака?“, напиша друг корисник.

„Би рекол дека си поигрува со приказната дека е ’грд‘, која често се повторува на Твитер и сличните платформи. Изгледа како намерно претерана карикатура на него самиот, направена така што да изгледа одбивно“, напиша трет корисник.

Бланко за критиките на сметка на неговиот изглед

Бланко претходно открил дека дури ни неговата сопруга Селена Гомез не може да поверува колку добро се справува со количеството омраза што ја добива на социјалните мрежи поради својот изглед.

„Селена знае да ми каже: ’Не можам да поверувам колку добро се справуваш со тоа‘. Вели дека ги гледа тие работи и посакува да им одговори на луѓето во коментарите“, раскажал тој во поткастот „Friends Keep Secrets“.

„Но јас на сето тоа гледам на многу специфичен начин. Станав многу успешен во својата работа на 17 или 18 години. Во јавноста сум уште од детството. Потоа им помагав на сите тие други ѕвезди да изградат кариери. Јас станав познат дури во 2020 година, така што тоа трае само шест години. Кога станав славен, сфатив дека тоа не ми се допаѓа“, рекол тој.

„Таквите работи понекогаш во нашите глави ни изгледаат неверојатно големи. Нема да ве лажам, сигурен сум дека понекогаш навистина и се“, додал Бланко.

Исто така тој признал дека не е човек кој редовно ги чита коментарите на интернет. Кога сепак ќе ги види, тоа главно е затоа што му ги покажуваат пријателите, кои знаат дека таквите работи не го погодуваат лесно.