Српскиот тенисер Новак Ѓоковиќ моментално одмора со семејството во Црна Гора, а слободното време го искористи за да присуствува на концертот на Владо Георгиев во Херцег Нови. Сепак, не остана долго само во публиката – во еден момент се качи на сцената и стана една од главните ѕвезди на вечерта.
Ѓоковиќ на сцената им се придружи на Владо Георгиев и Нигор, го зеде микрофонот и заедно со Нигор ја запеа песната „Тропски бар“. Покажа и неколку танцувачки движења, на воодушевување на присутните.
„Дали сум единствениот што го гледа ова по 73-ти пат?“
Снимката од пеењето и танцувањето на Ѓоковиќ брзо се прошири на социјалните мрежи, каде што се нижеа реакции од воодушевените следбеници.
@imisskatarina #novakdjokovic #vladogeorgiev #crnagora #balkan #viral ♬ izvorni zvuk - imisskatarina
„Колку нормален човек! Каков цар, секоја чест што е светски, а наш“, „Дали сум единствениот што го гледа ова по 73-ти пат?“, „Колку добро си поминуваат“ и „Какви легенди“, се само дел од коментарите.
По одморот, Ѓоковиќ го очекува продолжување на подготовките за американскиот дел од сезоната. Во фокусот ќе биде „US Open“, последниот „Grand Slam“ турнир во годината.
