Тоа право, како што пренесува „Vijesti“, се однесува на жените кои имаат болни менструални циклуси предизвикани од органски причини, како што се ендометриоза, миоми, полипи и други гинеколошки заболувања.

Иницијативата за измените на законот ја поднесе во март годинава, во пресрет на Меѓународниот ден на жената, независната пратеничка Јевросима Пејовиќ.

Предлог-законот претходно едногласно беше поддржан на седниците на Одборот за здравство, труд и социјална грижа и на Законодавниот одбор.

Во образложението на законот се наведува дека целта на измените е соодветно регулирање на дијагностицираните патолошки состојби на секундарната дисменореја, отстранување на предрасудите на работното место и воспоставување рамнотежа помеѓу зачувувањето на здравјето и професионалните обврски на жените.

Како што се истакнува, на жените со секундарна дисменореја им се признава право на посебна состојба на привремена спреченост за работа.

Што е секундарна дисменореја?

Секундарната дисменореја подразбира болни менструални тегоби предизвикани од претходно дијагностицирани гинеколошки заболувања, како што се ендометриоза, миоми, воспаление на јајниците, ендометријални полипи и синдром на полицистични јајници, како и состојби што можат да бидат проследени со болни полови односи, отежнато мокрење, неплодност или обилни менструални крвавења.