Рафааел Леао самиот изрази желба да го напушти Милан веднаш по крајот на минатата натпреварувачка сезона, па иако ова размислување малку стивна откако Рубен Аморим беше претставен како прв тренер на тимот, крајот на Светското првенство отвора ново поглавје во сагата на Португалецот.
Леао е многу поблиску до заминување, отколку до останување во Милан и веќе се водат преговори за него уште пред да се врати на тренинг обврските, особено откако вчера во Милано пристигнаа претставници од Турција.
Директорите на Фенербахче доцна синоќа ја доставиле првата понуда за крилниот напаѓач кој е ставен на трансфер листата од Милан, а првата понуда достигнува максимални 42 милиони евра.
Според информациите кои ги пренесуваат италијанските медиуми, Милан нема да се задоволи со оваа понуда и ќе издејствува да се исплатат бараните 50 милиони евра, а останува да видиме дали Турците ќе бидат доволно истрајни за да ја исполнат желбата на Италијанците.
Првичната понуда на Фенербахче вклучува заем од една година за кој ќе се плати 5 милиони евра, потоа задолжителен откуп вреден 35 милиони евра, како и уште 2 милиони евра во вид на бонуси.
Милан сака да ја поедностави работата и бара 50 милиони евра за да го продаде својот најплатен играч во тимот, кој во Фенербахче би добивал речиси двојни повеќе.
Леао во Милан заработува 6,5 милиони евра по сезона, а Турците му понудиле фиксни 12 милиони евра по сезона и веќе имаат добиено зелено светло од неговите претставници за да преговори со Милан.
