Сега се објавени неофицијални податоци за хонорарите на ѕвездената екипа, како и буџетот за тоа колку наводно заработиле за секоја сцена.

Епската приказна за Одисеј, грчкиот крал на Итака, кој се обидува да се врати дома по Тројанската војна, пристигна во кината на 17 јули. Главните улоги ги играат Мет Дејмон и Том Холанд, а „Тајмс ентертејнмент“ ги објави наводните износи што тие и другите членови на екипата ги добиле за филмот.

Мет Дејмон

Педесет и петгодишниот Дејмон го игра главниот лик Одисеј во филмот и има најмногу сцени, вкупно 46. За таа улога, наводно, добил највисок хонорар, 15 милиони долари. Според таа пресметка, тој заработил повеќе од 326 илјади долари за секоја сцена.

Том Холанд

Ѕвездата на „Спајдермен“ го игра Телемах, синот на Одисеј, во филмот и се појавува во 24 сцени. Неговиот хонорар наводно е 10 милиони долари, или околу 416.666 долари по сцена.

Зендаја

Зендаја, позната по серијата „Еуфорија“ и како сопруга на Холанд, ја игра божицата Атена. Таа се појавува во шест сцени во филмот, а нејзиниот хонорар наводно е 5 милиони долари. Ова значи дека, според овие проценки, таа заработила околу 833.333 долари по сцена.

Ен Хатавеј

Четириесет и тригодишната Хатавеј ја игра Пенелопа, сопругата на Одисеј која го чека за време на неговото долго патување. Таа се појавува во 16 сцени и наводно била платена помеѓу четири и пет милиони долари за улогата. Ова би значело дека заработила околу 312.500 долари по сцена.

Роберт Патинсон

Роберт Патинсон го игра Антиној, еден од додворувачите на Пенелопа кој се обидува да го заземе местото на Одисеј додека тој го нема. Наводно заработил околу шест милиони долари за својата улога во 14 сцени, што е приближно 428.571 долари по сцена.

Елиот Пејџ

Елиот Пејџ го игра Синон, грчки војник поврзан со Одисеј за време на Тројанската војна. Пејџ се појавува во шест сцени и наводно добил 1,5 милиони долари за улогата. Според оваа пресметка, неговата заработка по сцена е околу 250 илјади долари.

Зендаја имала најголема заработка по сцена, а Дејмон највисок вкупен хонорар

Интересно е што Зендаја, иако се појавува во најмал број сцени меѓу главната екипа, според овие неофицијални пресметки, имала најголема заработка по сцена.

Од друга страна, Мет Дејмон има највисок вкупен хонорар, но поради најголемиот број сцени, неговата заработка по сцена е значително помала.