Исланд ќе одлучи на референдум дали ќе ги продолжи преговорите за членство во Европската Унија, земајќи ги предвид економските и безбедносни аспекти, како и поддршката на ЕУ во регионот.
Исланд нема што да изгуби ако ги отвори преговорите за членство со Европската Унија, изјави францускиот министер за надворешни работи Жан-Ноел Баро пред референдумот на Исланд за ова прашање.
Исланѓаните ќе одлучат на 29 август дали да го продолжат процесот на пристапување што нивната влада го суспендираше во 2015 година, шест години откако земјата аплицираше за членство предизвикан од финансиската криза, објави Euronews.
„Гласањето на 29 август не пресудува ништо. Исланд апсолутно нема што да изгуби со преговорите со Европската Унија“, рече Баро за време на посетата на Рејкјавик.
Министерката за надворешни работи на Исланд, Катрин Гунарсдотир, изјави дека поддршката на ЕУ за Гренланд, откако американскиот претседател Доналд Трамп ја изрази својата намера да ја преземе контролата врз данската територија, му ја покажа на Исланд вредноста на членството во Унијата.
„За нас беше важно да видиме колку решително Европската Унија интервенираше, го искористи своето влијание и застана на страната на Данска и Гренланд во ова прашање“, изјави Гунарсдотир пред новинарите.
Министерката нагласи дека Исланд, исто така, го гледа пристапувањето кон Европската Унија како зајакнување на сопствената безбедност. Таа објасни дека земјата е членка на НАТО, но нема постојана армија и се соочува со потенцијални закани од Русија.
фото/Depositphotos
