ФИФА направи многу остапки за да го задоволи домаќинот на Светското првенство во изминатите пет недели, а пред завршниот чин кој е закажан за Њу Џерси, се пренесува уште една вест која ги разочарува фудбалските фанови кои се држат до традицијата на овој спорт.
Покрај тоа што ќе има 30-минутна пауза меѓу полувремињата поради музичко шоу во стилот на „Супербоул“, домаќинот на мундијалот имплементира уште едно американско обележје за големото финале, и тоа со дозвола на ФИФА.
За првпат во историјата на Светските првенства, победниците на финалниот меч ќе добијат златни прстени за освоеното прво место, идентично како што е случај со шампионите во НБА лигата.
Американизирањето на најважната споредна работа во светот дефинитивно ја менува мундијалската традиција која се негува повеќе од девет децении, а тоа предизвикува и огромно разочарување кај искрените љубители на играта.
Покрај двата големи новитети за финалето, ФИФА имплементираше и голем број нови фудбалски правила пред стартот на турнирот, а значително се искомерцијализира спортот и со задолжителната пауза за хидратација од три минути во секое од полувремињата, нешто што воопшто не им се допадна и на голем број фудбалски ѕвезди кои беа дел од Светското првенство.
Fifa will present World Cup rings to the winners of Sunday's final between Argentina and Spain, which will be attended by Donald Trump. pic.twitter.com/17wyQMDfG8
— BBC Sport (@BBCSport) July 17, 2026
