Снимка од екранот од сметка од еден белградски ресторан предизвика лавина од коментари на социјалните мрежи откако корисникот покажа дека, како што тврди, чинија со исечена лубеница била наплатена дури 1.650 динари (820 денари) под ставката „микс за овошна салата“.

Видеото прво било објавено на „TikTok“, а набрзо беше споделено и на социјалната мрежа „X“, каде што предизвика голем број реакции.

Лубеницата претставена како микс од овошје

Видеото прикажува чинија со парчиња лубеница, додека корисникот тврди дека ја послужиле во ресторан како „микс за овошна салата“. Иако не е познато дали претходно имало друго овошје на чинијата, објавата иницирала жестока дискусија за цените во угостителските објекти.

Многу корисници не го криеле своето изненадување, додека други оцениле дека гостите кои се согласуваат да платат такви износи се исто така одговорни.

„Има овошје кој сака да го набере“, „Ама тоа е лубеница без семки“, „Како ресторанот да е бар во Кан“, „Кога има такви што сакаат да платат за ова, цените ќе бидат вакви и повисоки“, се само дел од коментарите под објавата.

Иако цените на оброците со овошје и салати во одредени белградски ресторани честопати надминуваат 1.500 динари (750 денари), многумина беа изненадени од фактот дека, според авторот на видеото, обичната лубеница се наплаќала по таа цена.

Екипата на српски „Мондо“ неодамна ја посетила Ада Циганлија за да провери какви се цените на почетокот на летната сезона и колку пари се потребни за еден ден на најпознатиот белградски базен. Иако влезот во Ада не се наплаќа, трошоците за храна, пијалаци, лежалки и други содржини можат значително да го оптоварат домашниот буџет, особено ако целото семејство дојде да плива.

„Цените се ужасни, две кафиња се повеќе од 800 динари (400 денари), секоја година се сѐ повеќе и повеќе. Лежалките се околу 2.000 (1.000 денари), за половина ден беа 500 динари (250 денари), ова е вистинска штета. За двајца луѓе, потребни се околу 10.000 (5.000 денари), подобро е луѓето да одат на море“, изјавила некоја незадоволна жена.