Мбапе суров на теренот, но и надвор од него: Овој француски тим не освоил ништо

Килијан Мбапе беше доволно инспириран за да си ја поправи грешката од првиот дел кога не реализираше пенал, а суровоста која ја покажа на теренот со гол и асистенција, ја продолжи и пред француските новинари со кои се соочи по средбата.

Во моменти на голема еуфорија, француските новинари почнаа да заклучуваат дека ова е најдобриот француски состав во последните 10 години, по што Мбапе ги коригираше и заклучи дека оваа генерација се уште не освоила ништо.

– Не би рекол дека ова е најдобриот и најсилен тим. Јас бев светски шампион и светски вицешампион, а овој тим се уште не постигнал ништо. Несомнено е дека овој тим има најголем потенцијал, но тоа не е доволно. Има многу квалитет, можеме да сонуваме, но се додека не го видиме трофејот, не може да кажеме дека е најдобар. Овој тим уште не освоил ништо, а јас отсекогаш сум велел дека најдобри тимови се оние кои освојуваат трофеи.

– Свесни сме за потенцијалот кој го поседуваме, но потенцијалот не е доволен на натпреварите. Имаме верба во себе, но сега следи најтешкото и треба да покажеме дека сме најдобар тим, – изјави Мбапе.