Кајсиите се во сезона, па имаме многу опции да уживаме во нив. Дел од нив ги јадеме свежи, а дел веднаш го одвојуваме за џем или сок од кајсии, а зошто да не направиме и слатки со кафе или во недела попладне од дел од кајсиите?

Денес ви претставуваме еден таков, кој е вкусна комбинација од бисквити, кајсии и бело чоколадо. Не може да се погреши, а се топи во устата.

Рецепт за торта со кајсии и бело чоколадо:

Состојки:

За бисквитот:

200 г обично брашно;
1 лажичка прашок за пециво;
150 г шеќер;
150 г путер, омекнат;
3 јајца;
1 лажичка екстракт од ванила;
60 мл млеко;
100 г свежи кајсии, исечени на парчиња.

За лимоновиот сируп:

сок од 1 лимон;
60 мл топла вода;
50 г шеќер.

За филот:

300 г бело чоколадо;
180 мл слатка павлака за шлаг;
2 до 3 лажици џем од кајсии.

За декорација:

Рендано бело чоколадо.

Подготовка:

Загрејте ја рерната на 180 степени и обложете калап со димензии 20*20 см со хартија за печење или лесно намачкајте го со путер.

Во голем сад ставете го брашното, прашокот за пециво, шеќерот, омекнатиот путер, јајцата, ванилата и млекото.

Матете на најниска брзина околу една минута, а потоа измешајте ги парчињата кајсии.

Ставете ја смесата во калапот и печете 30 до 35 минути, или додека чепкалка за заби забодена во средината не излезе сува. Изладете го испечениот бисквит целосно.

За сирупот, измешајте го сокот од лимон, топлата вода и шеќерот и мешајте додека шеќерот не се раствори.

За филот, растопете го белото чоколадо и слатката павлака во микробранова печка, потоа додадете го џемот од кајсии и оставете го да се стегне во фрижидер.

Исечете го изладениот бисквит хоризонтално на два еднакви дела. Лесно натопете го долниот дел со половина од сирупот од лимон.

Потоа премачкајте го со половина од филот од бело чоколадо. Преклопете го вториот дел од бисквитот, па натопете го со преостанатиот сируп.

Ставете го остатокот од филот врз тортата и ставете го ренданото бело чоколадо одозгора, а потоа ставете ја тортата во фрижидер еден или два часа за филот целосно да се стегне пред сервирање.

На здравје!