Тјери Анри има обврски како стручен аналитичар за „Фокс Спортс“ на ова Светско првенство, но блискоста со големите ѕвезди и авторитетот му овозможуваат да има и силна конекција со луѓето кои се задолжени за логистика на француската репрезентација.
Тити ја бодри Франција на секој одигран натпревар на мундијалот и од рунда во рунда има поголема самодоверба дека тимот може да оди до самиот крај, а вчера по средбата со Мароко, славниот напаѓач ги изненадил француските ѕвезди во соблекувалната.
Анри добил дозвола од Дешамп да ги изненади фудбалерите и лично им честитал за извонредната партија против Мароко, тим кој изгледаше сосема немоќно во дуелот со „триколорите“.
За Тити, тоа не е никакво изненадување, особено поради напорната работа и пожртвуваноста со која работат избраниците на Дидие кога ја немаат топката во своите нозе.
– Искрено момци, не знам што поточно да кажам. Со топката во нозе сме извонредни како и секогаш, но мене посебно ме импресионираше една работа. Најмногу ме импресионира квалитетот на овој тим да ја врати топката во свој посед. Тоа што го прави тимот кога ја нема топката во своите нозе е нешто што посебно ме импресионира. Тоа е навистина извонредно, – изјави Анри.
Thierry Henry about France: “Honestly guys, I don’t even know what to say.”
— Quentin Gesp (@quentin_gesp) July 10, 2026
(…) “With the ball, extraordinary, as always. But what impresses me most is the ability the team has to win the ball. What the team does off the ball, it’s extraordinary.” pic.twitter.com/xlflBCmxLS
