Гир, кој следниот месец ќе наполни 77 години, веќе осум години е во брак со шпанската публицистка.

Парот Денот на независноста го прославил и со пикник на плажа со синовите, седумгодишниот Александар и шестгодишниот Џејмс. Подоцна, како што Алехандра споделила на социјалните мрежи, момчињата со воодушевување го набљудувале огнометот.

„Длабоко сум благодарна за животот што го изградивме меѓу две земји, две култури и со толку многу луѓе што ги сакаме“, напишала Алехандра во објавата на Инстаграм. „Денес ја славиме поврзаноста, семејството, пријателството и сè што нè потсетува дека домот не е само место, туку луѓето што ги носиме во срцето. Среќен Четврти јули на нашето семејство и пријателите низ САД.“

Проширено семејство и заеднички живот

Алехандра во текот на викендот споделила и моменти од прошетка во природа со сопругот. „За мене најдобрите викенди не бараат големи планови“, напишала таа. „Само квалитетно поминато време, природа, опуштени разговори... и радоста што на крајот од патот стои личноста што најмногу ја сакам. Затоа што на крајот, вистинската дестинација секогаш се луѓето што ги сакаме.“

Парот првпат се запознал во 2004 година, а повторно се сретнале десет години подоцна во хотелот на нејзиното семејство во италијанскиот Позитано, по што започнала нивната врска. Гир исто така е очув на 11-годишниот син на Алехандра, Алберто, од нејзиниот претходен брак со Говинда Фридланд, кој завршил во 2015 година.

Родителство со помош на будизмот

Гир ја вовел својата сопруга во медитација, а двајцата практикуваат тибетски будизам, што, како што велат, им помага да најдат трпение во воспитувањето на нивните тројца синови. „Таа е неверојатна мајка во тој поглед. Всушност, научив како да бидам подобар татко гледајќи ја неа“, изјавил Гир минатиот ноември за списанието „HELLO!“.

„Секогаш е вешта да каже: ‘Во ред, знам дека најмногу би сакала да те задавам, но длабоко ќе вдишам па ќе разговараме. Добро, што се случува? Сакам да знам како се чувствуваш.’“ Алехандра на тоа додала: „Како што веќе кажа Ричард, трпението е клучен дел од сè. Важно ни е да ги запознаеме децата со будизмот и неговото значење.“

Најстариот син тргна по стапките на таткото

Гир има и најстар син, 26-годишниот Хомер, од 11-годишниот брак со поранешната Бонд девојка Кери Лоуел, кој завршил во 2013 година. Младиот човек тргнал по стапките на татко му и неодамна го завршил снимањето на драмата на Оливер Стоун „Бели лаги“.

„Навистина е добар. Како да точно знае што прави“, изјавил гордиот татко на почетокот на јуни за списанието „People“. „Но и многу добро се носи со сето тоа. Добро момче е. Навистина е добар млад човек кој тоа го разбира, а ова не е лесна работа. Не секој може да функционира во тоа. Затоа мислам дека тој може.“