Соединетите Американски Држави ќе се соочат со Белгија во еден од двата натпревари од денешната програма на Светското првенство, но наместо да се говори за пресметката во фокусот е изненадувачката одлука на ФИФА која му го поништи црвениот картон на Фоларин Балогун.
На овој начин најдобриот напаѓач на Американците ќе има шанса за настап и веројатно ќе биде стартер, но во меѓувреме сосема очекувано има огромен број на реакциии од сите страни, а засега најоригиналниот коментар, критика меѓу редови даде селекторот на „црвените ѓаволи“, Рудиј Гарсија.
- Не знаев дека на Светското првенство, 5 јули е всушност први април – тоа е 1 април (денот на шегата). Ние не ја браниме репрезентацијата или федерацијата. Ние го браниме фудбалот, - истакна Гарсија.
“I didn’t know that at the World Cup the 5th of July is now the first of April."
— CBS Sports Golazo ⚽️ (@CBSSportsGolazo) July 5, 2026
"We’re not defending the national team or federation, we are defending football.“
Belgium head coach Rudi Garcia addresses FIFA's decision to suspend Folarin Balogun's red card match ban 🟥 pic.twitter.com/ZjRFLlZn3N
- Доколку беше направено порано, можеби ќе можевме да бидеме ментално поподготвени. Добро е што имаме уште еден тренинг [сè уште во недела]… Но, ќе бидеме подготвени. Ќе бидеме на теренот. Тие имаат 11 играчи, не само Балогун. Тој е многу брз напаѓач. Различен профил од Пепи. Тие имаат многу квалитет во нападот- порача пак голманот Тибо Куртоа.
