[ФОТО] За неа тврдат дека не може да остари: Го прославила својот 77-ми роденден, погледнете како изгледа – подобро од било кога!
Познатата модна дизајнерка Вера Ванг, препознатлива по својот младешки изглед, кој со години привлекува внимание од јавноста, го прослави својот 77-ми роденден. Ванг е позната не само по својот моден бренд, туку и по својот сè посмел, променлив стил во последните години, пишува „Дејли мејл“.
На фотографијата што ја објави на Инстаграм, Ванг позира опкружена со пријатели додека ги дува свеќите на тортата. Наместо нејзината препознатлива темнокафеава коса, таа се појавила со фризура која целосно го менува нејзиниот изглед.
Русата коса, за која се шпекулира дека е перика, беше исечена во права „боб“ фризура до рамената. Нејзините прамени беа совршено испеглани, а шишките беа ставени зад ушите. Ванг избрала бел фустан без ракави со детаљ на деколте за прославата. Горниот дел е тесен и плисиран, додека здолништето се проширува.
Ова не е првпат Ванг да изненади со промена на бојата на косата. Таа ја носеше русата нијанса и претходно, вклучувајќи го и појавувањето на Мет гала, кога комбинираше посветла коса со црн асиметричен фустан. Таа е позната по тоа што често експериментира со својот изглед и постојано нагласува дека верува дека возраста е само бројка и дека дискриминацијата врз основа на возраст е застарена.
Во интервју за Би-би-си, таа изјавила дека работата е она што ја одржува активна и мотивирана, додавајќи дека едноставните навики како добар сон и повремени коктели помагаат.
