Поранешниот англиски фудбалер Дејвид Бекам објави фотографија на социјалните мрежи на која неговата мајка, Сандра Бекам е во друштво на српскиот тенисер Новак Ѓоковиќ.
Со фотографијата, Бекам сподели и емотивна порака во која напиша дека својата мајка „никогаш не ја видел толку среќна“, што веднаш привлече големо внимание кај обожавателите ширум светот.
Фотографијата е направена на Вимблдон, еден од најпрестижните тениски турнири во светот, кој секоја година се одржува во Лондон. На овогодишното издание на турнирот присуствуваа Дејвид и неговата мајка Сандра.
На фотографијата, која брзо се прошири на социјалните мрежи се гледа Сандра Бекам во опуштена и насмеана атмосфера со еден од најуспешните тенисери на сите времиња.
Во описот на објавата, Бекам истакна колку неговата мајка била среќна по средбата со Ѓоковиќ, што многумина го протолкуваа како знак на меѓусебна почит и восхит меѓу спортските семејства.
Објавата предизвика голем број реакции, а корисниците на социјалните мрежи истакнаа дека ваквите средби меѓу познати спортисти и нивните семејства секогаш се интересни.
Некои корисници нагласија и дека Ѓоковиќ ужива голем углед меѓу спортистите ширум светот, што се потврдува и со ваквите средби.
