Во потрага по разладување за време на летните горештини, луѓето се снаоѓаат на најразлични начини, но еден корисник на „Instagram“ ја подигна границата на сосема ново ниво.
На профилот „alex_notice“ беше објавено кратко видео на кое се гледа маж како лежи во замрзнувач среде супермаркет, а неговиот потег предизвика бројни и поделени реакции.
На снимката се гледа маж облечен во портокалова маица и светлосини шорцеви како мирно лежи врз пакувања со замрзната храна. Додека камерата се движи кон него, тој се насмевнува и мавта. Објавата е придружена со опис на чешки јазик:
„Нормални луѓе: вентилатор. Јас: замрзнувач.“
Со ова, авторот јасно става до знаење дека станува збор за хумористичен одговор на високите температури.
Иако објавата собра коментари од луѓе на кои потегот им бил забавен, многу повеќе корисници изразија згрозеност и загриженост. Голем дел од нив истакнаа дека ваквото однесување е целосно несоодветно во простор каде што се чува храна.
„Нехигиенски е да се влегува внатре со чевли и облека од улица! Тоа е храна“, напиша една корисничка.
Други, пак, се запрашаа кој ќе ги сноси трошоците.
„Ме интересира кој ќе плати за овие производи и за дезинфекцијата на замрзнувачот“, стои во еден од коментарите.
Реакции пристигнаа на различни јазици, што покажува дека видеото привлекло меѓународна публика, претежно со негативни коментари.
Ваквиот потег не е само прашање на култура на однесување, туку претставува и сериозно прекршување на хигиенските прописи, според кои храната мора да биде заштитена од каква било контаминација.
Со влегувањето во замрзнувачот, лицето внесува нечистотии и бактерии од облеката и обувките, со што директно ја загрозува безбедноста на производите наменети за продажба.
Објавата досега има речиси четири милиони прегледи.
Денес
