Улогите во филмот „Pretty Woman“ и ситкомот „Just Shoot Me“ ѝ ги отворија вратите кон светската слава. Денес, на 64 години, таа сè уште привлекува внимание, а неодамна се појави и на црвениот тепих.
Лаура Сан Џакомо се прослави со улогата на Кит де Лука во култниот филм „Pretty Woman“, а светот сè уште ја памети нејзината улога како дрската пријателка на Џулија Робертс во споменатиот филм. Сега, по толку време, таа повторно се појави на црвениот тепих на премиерата на филмот „Sugar“ во Лос Анџелес.
За оваа пригода, таа одлучила да облече црн костум, кој го надополнила со бела маичка. Креацијата зрачеше со допир на модерен гламур и суптилно ја нагласуваше нејзината витка фигура.
Фризурата беше исто така впечатлива, бидејќи Лаура ја заменилa својата препознатлива темна коса со поприродна боб фризура, оставајќи ги нејзините сиви прамени видливи.
Што се однесува до шминката, таа се одлучила за нежни тонови кои ја истакнуваа нејзината природна убавина, но и лице кое го прифаќа природниот процес на стареење.
