Иако денеска почнува одреден период на променливо облачно и нестабилно време со врнежи од дожд, тие ќе бидат пообилни утре и задутре (наместа до 15 л/м²), предупредува УХМР
Времето претпладнево ќе биде сончево, со мала до умерена облачност. Но попладне ќе има развој на нестабилна облачност, проследена со дожд, грмежи, засилен ветер и ќе има услови за појава на град, прогнозира Управата за хидрометеоролошки работи (УХМР).
Во помирниот дел од денот, ќе дува слаб до умерен, повремено засилен, ветер од северен правец.
И во Скопје претпладнево ќе преовладува сончево време со мала до умерена облачност. Во попладневните часови ќе има услови за развој на нестабилна облачност, проследена со дожд, грмежи и засилен северен ветер.
Иако денеска почнува одреден период на променливо облачно и нестабилно време со врнежи од дожд, тие ќе бидат пообилни утре и задутре (наместа до 15 л/м²), предупредува УХМР.
Локално процесите ќе бидат во форма на краткотрајно невреме проследено со пороен дожд, засилен ветер и грмежи и услови за појава на град. Ќе дува умерен ветер претежно од северен правец.
