Иако изгледаше како сигурен облог, израмнувањето на Куракао на 1-1 во 21. минута накратко предизвика паника кај храбрите играчи.
Еден обложувач привлекол големо внимание во светот на спортското обложување откако вложил дури 730.000 долари на исход дека Куракао нема да ја победи Германија на Светското првенство.
Иако стануваше збор за огромен фаворит и облог што на прв поглед изгледаше сигурен, работите накратко се искомплицираа кога Куракао успеа да израмни на 1-1 во 21. минута од натпреварот. На социјалните мрежи веднаш се појавија шеги дека обложувачот во тие моменти сигурно преживувал вистинска драма.
Сепак, Германците брзо ја вратија контролата, ја потврдија фаворитската улога и на крајот славеа убедлива победа од 7-1.
Така, ризичниот облог заврши успешно, а обложувачот инкасираше нето добивка од повеќе од 16.000 долари.
Интересен детал е што на трибините бил забележан навивач со маица на која пишувало „Германија – Бразил 7-1“, резултат кој Германците го остварија против Бразил на Светското првенство во 2014 година. На крајот, истиот резултат се повтори и против Куракао, како да бил однапред предвиден.
