Американската армија изврши напади врз ирански објекти откако Иран собори американски дрон, при што двете страни тврдат дека собориле ракети испукани една кон друга, додека Иран и САД разменуваат обвинувања за иницијативата на насилство во регионот.
Американската армија објави дека бомбардирала радари и беспилотни летала во Иран откако Техеран соборил американски дрон за време на викендот.
Потоа Иран објави дека испукал ракети кон американски војници во Кувајт, а американските власти тврдат дека ги собориле тие ирански ракети.
Централната воена команда на САД изјави дека во саботата и неделата, американската војска извршила напади околу иранскиот град Герук и островот Квешм и дека погодила инсталации за воздушна одбрана, станица за контрола на летот и два офанзивни дрона за кои тврди дека им се заканувале на нејзините бродови во регионот.
„Имаше намерни и измерени напади, како одговор на агресивните ирански дејствија, што вклучуваше соборување на еден американски дрон МО-1 што леташе над меѓународни води“, соопшти Централната команда.
Кувајт, земјата од Персискиот Залив во која се наоѓа блискоисточниот огранок на Централната команда на САД, објави дека нејзината воздушна одбрана е активна рано утрово за да пресретне дронови и ракети.
Корпусот на Исламската револуционерна гарда (ИРГЦ) соопшти дека одговорил на нападот на САД, без да каже каде, но се верува дека станува збор за нападот што го пријавил Кувајт.
Во соопштението објавено од иранската новинска агенција „ИРНА“, Гарда изјави дека американските сили нападнале телекомуникациска кула.
Централната команда на САД тврди дека американските сили собориле две балистички ракети испукани од Иран кон базите со нивните војници.
Ниеден Американец не е повреден, додаде таа во соопштението.
