Според претходните извештаи на „Vanity Fair“ и „Forbes“, американскиот актер Реј Романо заработува 18 милиони долари годишно од серијата „Everybody Loves Raymond“, иако емитувањето на серијата заврши пред 21 година.
Според податоците на „Celebrity Net Worth“, богатството на Романо се проценува на 200 милиони долари.
Шеесет и осумгодишниот актер го толкуваше спортскиот новинар Реј Барон во сите девет сезони на хумористичната серија на „CBS“, заедно со Патриша Хитон, Бред Гарет, Дорис Робертс и Питер Бојл.
Неговата годишна заработка од серијата всушност доаѓа од резидуали, кои, слично на тантиемите, претставуваат пасивен облик на приход што актерите го добиваат кога нивните емисии се репризираат на телевизиските мрежи.
Според веб-страницата на синдикатот „SAG-AFTRA“, тие се дефинираат како надомест исплатен на изведувачите „за користење на филм или телевизиска програма надвор од користењето опфатено со почетниот надомест“.
Од друга страна, договорите за синдикација вклучуваат лиценцирање на ТВ-емисија за повеќе независни станици, кабелски мрежи или стриминг-платформи надвор од нејзината оригинална мрежа.
Романо своевремено беше и најплатениот ТВ-актер во светот по епизода, а заработуваше 1,94 милиони долари по епизода од серијата „Everybody Loves Raymond“ за деветтата и последна сезона, која се емитуваше во САД помеѓу 20 септември 2004 и 16 мај 2005 година. Тоа е вкупно 33 милиони долари за целата сезона.
